劈炮吾撈--

看完好一些日子了。
可惜的是,序言的字色有點色弱---- 翻過7、8本看, 發現黑頁<<序>>的橙色字體很 "歸隱",反而白色更為彰顯。但即使如此, 我很喜歡上帝的故事。

我也很喜歡 Diary Book 式的鋪排,簡單易明。當然不少得精美的照片---日常所見的物件, 沒想過用那種角度看...

同樣,有些調子我也十分贊同: 切勿劈咗炮先諗吾撈。
以前我常常想走, 即使現在亦是, 但動機已經明顯不同。
人事上仍一席位, 但主旨已不相同。記得當初是為了 "我是一頭野貓" 而萌生劈炮的念頭 ... 但當今日看到 Ah Bad 說:"為了人事而劈炮是不智的, 因為去到邊都有這樣的 (小)人。" 時, 我才反思, 其實也挺對的。 我開始認為, 這個世界是鬥長命的, 倖存才最重要。有好些以前覺得 "眼冤" 的人, 已經不復在了。由於去去來來, 我周圍年年出現不同的同事, 所以為人事而苦惱, 有點 "短暫的無謂"。好彩, 沒有辭職。
今日, 我的層次向上昇華了一級, 因為已建立了 "野貓自由自在" 的品牌, 開始惹來馴獸師想收服我做 "撒嬌的家貓", 我的人事惡纏性質, 好像突然要加入 "上流的批判"的原素!

再說....
我有認真想過 「撈」什麼, 但發覺虛無一片。原來不知不覺間, 我的世界已只剩下「現在」。相對念書考試, 我比較愛工作。但如果問「為什麼呢?」 我會答因為工作有錢囉, 而讀書卻花錢。那麼為什麼想劈炮哩? 我想了很久, 大概因為我再也找不到勇往直前的方向吧?
--- 「勇往直前? 唔該諗升職試啦!」同事大Bor 說。連Mr.reproduction 也說:「One 唔升仙冇問題, 但two唔升one 就大有問題。」
.........實在提不起興趣說下去。我井底蛙囉!

新年例行捐了錢給Orbis和無國界醫生, 一閃間突然想試做義工。也許受了黑柳徹子的著作 <<窗邊的小豆豆>>和<<小時候在想的事情>>的影響, 覺得有人如此投入「工作生活」實在是很不賴的事情!! 但實際上我的愛心有多重,心知肚明, 貽笑各方。

無X用!!!!

茶餘飯後...
有一位同事,大概心中也知道永世也不能升職, 放工後副業多多, 矢言爭取比升職後賺更多$$。
我想, 他其實符合條件 '唔撈' , 但是我和他的動機大不同。
我要錢, 因為我想要更多的時間去享受自己喜歡的事 (即使在別人眼中覺得無聊)。他的錢, 卻是要付出很多的時間來換取.... 我一點也不羨慕, 還覺得他很笨。

------------------------------------------------------------------------------
P.S. 我覺得農夫呢首歌很代表香港打工仔!!
日出而作-農夫
作曲：DJ Galaxy 填詞：C君, 6永

返工放工　幾點至夠鐘
SICK LEAVE要點用　開會有乜用
打卡打卡打記得打卡
日出而作　搏一搏　我架單車都變麾托

睡眼惺忪9點鐘　記得起身返工
9個鐘9個鐘每日返9個鐘
個個都要返工　返工先唔使窮　證明你有用
份糧月中已經唔夠用　
第1個鐘輕輕鬆鬆　等第2個鐘
第2個鐘去SITE VISIT　順便去埋GAME ZONE
第3個鐘打電話　打成個鐘至接通
之後o個4個鐘勁多野做o係公司四圍中
入廁所沖吓沖吓 又釣魚中吓中吓
拿杯咖啡沖吓沖吓　沖吓沖吓沖吓沖吓
咁又衝到最尾o個個鐘
個個睇住個鐘　個個等放工
放工去玩又驚第二朝早起又驚糧尾
返工係一個得閒死唔得閒病o既遊戲
你老闆唔鍾意你 你唔鍾意份工
鬼叫你鍾意份人工 咁就冇野需要理

返工放工　幾點至夠鐘
SICK LEAVE要點用　開會有乜用
打卡打卡打記得打卡
打卡最型　打極唔停 打少一成會雙目失明

大部份o既老細會低估員工o既能力
大部份o既員工會低估老細o既智力
大部份o既老細會挑戰員工o既耐力
大部份o既員工會問同事拿零食

番工放工　幾點至夠鐘
SICK LEAVE要點用　開會有乜用
打卡打卡打記得打卡
日搏夜搏先發覺　最鐘意讀書返學

永遠就o黎遲到　班地鐵一定趕唔到
好彩第一個返到　老細又睇我唔到
成個朝頭早已經有鬼咁多野做
臨放工終於做到趴o係度
有人冇o野忙又要扮忙
女同事化完妝又要補妝
係pantry入面o既pantry黨扮開會同一個
PROJECT講完又講

掃把話唔夠數　出o黎捉人去跑數
跑極都係唔夠數　份人工又唔啱數
最唔抵飲完酒晚起唔到身返唔到工
詐病請病假　又要付出代價
好彩呀邊個有醫生紙明碼實價　仲要做緊特價
請夠四日都唔怕
費時返到公司　好似隻死屍
放工去開P　點知要OT
打卡打卡記得打卡　
唔係O左T有邊個知

返工放工　幾點至夠鐘
SICK LEAVE要點用　開會有乜用
打卡打卡打記得打卡
(喂 今晚我要早走呀 可唔可以幫下我手呀)

番工放工　幾點至夠鐘
SICK LEAVE要點用　開會有乜用
打卡打卡打記得打卡
(尋晚我都冇走　點打卡啫)